ياسمين رئيس تواجه أزمة قبل حفل joy awards بالسعودية: فستاني واسع ومش عارفة اتصرف

شاركت الفنانة ياسمين رئيس، متابعيها مقطع فيديو جديد لها، عبر حسابها الشخصي، على موقع تبادل الصور والفيديوهات إنستجرام.

وقالت ياسمين رئيس: أنا دلوقي عندي مشكلة، أنا قاعدة في الرياض، والفستان طلع واسع، المقاس طلع مش مظبوط، ممكن أكون خسيت أو الفستان جالي مقاس غلط، وأنا جاهزة، ومش هينفع أنزل بفستان واسع هيتسلوا عليا ويقولوا ياسمين فستانها واسع، ولا ألبس جينز ولا هتتريقوا عليا وتقولوا لابسة جينز على الريد كاربت؟، ولا أنزل كده بالبرنس.

وتابعت: بالنسبة لكم مش مشكلة وحاجة بسيطة، إزاي اشتكي وأقول إني جاهزة ومش عارفة أنزل علشان الفستان واسع؟، مردفة: في حد بيقول لي مشكلتك محلولة ولو مش محلولة ما كنتيش طلعتي، لكن والله المشكلة مش محلولة وأنا قاعدة بحاول اتنفس واهدى ومش عارفة اتصرف.

وكانت آخر أعمال ياسمين رئيس مشاركتها في فيلم أنا لحبيبي، والذي دارت أحداثه في أطار رومانسي، وشارك فيه كل من: كريم فهمي، محمد الشرنوبي، سوسن بدر، بيومي فؤاد، وهو من تأليف محمود زهران وتحت قيادة المخرج هادي الباجوري.